ज्या देशांत मुसलमानांची लोकसंख्या अल्प आहे, तेथे जाऊन मुलांना जन्माला घालावे !

पाकिस्तानच्या आरोग्यमंत्र्यांचा पाकच्या वाढत्या लोकसंख्येवरून पाकिस्तानी मुसलमानांना सल्ला !

इस्लामाबाद (पाकिस्तान) – पाकचे आरोग्यमंत्री अब्दुल कादीर पटेल यांनी पाकमधील वाढत्या लोकसंख्येवर एक अजब उपाय सुचवला आहे. त्यामुळे पाकमध्ये वाद निर्माण झाला आहे. अब्दुल कादीर म्हणाले, ‘‘वर्ष २०३० पर्यंत पाकची लोकसंख्या २८ कोटी होईल. ही धोक्याची घंटी असेल. आम्हाला मुसलमानांची संख्या अल्प करायची नाही; मात्र आम्हाला ‘मुसलमानांचे रहाणीमान सुधरावे’, असे वाटते. त्यामुळे ज्या मुसलमान नागरिकांना अधिक मुले जन्माला घालायची आहेत, ते जेथे मुसलमानांची संख्या अल्प आहे, अशा देशांमध्ये जाऊ शकतात. अशामुळे तेथील मुसलमानांची लोकसंख्या वाढेल. पाकमध्ये मुळातच मुसलमानांची संख्या अधिक आहे.’’