नागपूर – येथे १७ वर्षांच्या मुलीवर अंगारे-धुपारे देऊन पूजा करण्याच्या नावाखाली ३ मे या दिवशी सामूहिक अत्याचार केल्याप्रकरणी २ भोंदूबाबांना पोलिसांनी अटक केली आहे. मनोहर कोल्हे आणि युवराज सोनटक्के अशी त्यांची नावे आहेत.
१. पीडित मुलगी गेल्या काही दिवसांपासून आजारी होती. त्यामुळे तिच्या आई-वडिलांनी तिला भोंदूबाबा मनोहर कोल्हे यांच्या घरी नेले. या वेळी मुलीचा मामाही समवेत होता.
२. तेथे मनोहर कोल्हे अंगारे-धुपारे देऊन अनेक मुलींची पूजा करत होते. त्यांनी ‘मुलीवर देवाची अवकृपा झाल्याने तिची रात्रभर पूजा करावी लागेल’, असे सांगितले.
३. रात्री ९.३० वाजता मनोहर कोल्हे यांनी मुलीला घरात नेले. त्या वेळी पुजारी युवराज हाही घरात घुसला. दोघेही मुलीवर अत्याचार करत असतांना तिच्या मामाने हा प्रकार पाहिला. मामांना पाहून दोघे भोंदूबाबा पळून गेले.
४. मामाने सावनेर पोलीस ठाण्यात भोंदूबाबांच्या विरोधात तक्रार केली. २ भोंदूबाबांनी आतापर्यंत अनेक अल्पवयीन मुलींची पूजा करण्याच्या बहाण्याने त्यांचे लैंगिक शोषण केले होते. पोलीस पुढील अन्वेषण करत आहेत.
संपादकीय भूमिकासमाजात ९८ टक्के भोंदू आणि २ टक्के खरे संत आहेत. धर्मशिक्षणाअभावी भोंदू लोक ओळखता येत नसल्याने अनेक हिंदू त्यात फसतात आणि काहींना अत्याचारांना सामोरे जावे लागते. ही स्थिती टाळण्यासाठी आणि खरे संत ओळखता येण्यासाठी हिंदूंना धर्मशिक्षण देणे अपरिहार्य ठरेल ! |
थोडक्यात महत्त्वाचे
२४ आणि २५ डिसेंबर या दिवशी श्री साई पालखी निवारा येथे होत असलेल्या मंदिर परिषदेची सिद्धता अंतिम टप्प्यात !
‘सेरेंडिपिटी कला महोत्सवा’त हिंदूंच्या मंदिरांची छायाचित्रे आणि माहिती प्रदर्शित
सिंधुदुर्ग जिल्ह्यात महाराष्ट्राचे मत्स्य व्यवसाय आणि बंदरे विकासमंत्री नितेश राणे यांचे भव्यदिव्य स्वागत
विकसित महाराष्ट्रातील लोकांना कामासाठी स्थलांतरित व्हावे लागणे गंभीर ! – न्यायमूर्ती नितीन बोरकर, उच्च न्यायालय, मुंबई
हसापूर (गोवा) येथील श्री सातेरी देवस्थानच्या जत्रेमध्ये मुसलमानांना दुकाने लावण्यास देवस्थान समितीकडून बंदी