अमोल मिटकरी यांच्यावर कारवाई करा ! – समस्त ब्राह्मण पुरोहित सेवा संस्था

यवतमाळ, २३ एप्रिल (वार्ता.) – आमदार अमोल मिटकरी यांनी हिंदु धर्म देवता, पुरोहित आणि विवाहातील विधी यांची केलेली टिंगलटवाळी आणि मंत्री जयंत पाटील, धनंजय मुंडे यांनी यावर अंकुश न लावता त्याला हसून दिलेली दाद, याविरोधात त्यांच्यावर कारवाई करा, अशी मागणी करणारे निवेदन समस्त ब्राह्मण पुरोहित सेवा संस्थेने जिल्हाधिकाऱ्यांना निवेदन दिले. या वेळी पुरोहित सर्वश्री प्रमोद औदार्य, रवी चिंचाळे, शैलेश बल्लाळ आणि अधिवक्ता प्रवीण जोग उपस्थित होते.