रेल्वेच्या प्रवासी सेवा समितीचे अध्यक्ष रमेशचंद्र रतन यांची सनातन संस्थेच्या साधकांनी घेतली भेट !

कोची (केरळ) – कलूर, कोची येथील रामकृष्ण सेवा आश्रमामध्ये झालेल्या एका कार्यक्रमात प्रमुख पाहुणे म्हणून रेल्वेच्या प्रवासी सेवा समितीचे अध्यक्ष श्री. रमेशचंद्र रतन उपस्थित होते. या कार्यक्रमात श्री. रमेशचंद्र यांनी ‘राष्ट्रीय एकता आणि वर्तमानयुगात स्वामी विवेकानंद यांचे शिक्षण’, या विषयावर भाषण केले. या वेळी सनातन संस्थेच्या साधकांनी त्यांची भेट घेतली. या प्रसंगी सनातनच्या ६५ टक्के आध्यात्मिक पातळीच्या साधिका कु. रश्मी परमेश्वरन् यांनी श्री. रमेशचंद्र यांना सनातनचा ‘हिंदु राष्ट्र – आक्षेप आणि खंडन’ हा हिंदी भाषेतील ग्रंथ भेट दिला. या प्रसंगी श्री. रमेशचंद्र रतन यांनी सनातन संस्थेचे कार्य जिज्ञासेने जाणून घेतले. त्यावर त्यांनी साधकांना सांगितले, ‘‘पुढे कधीही रेल्वेशी संबंधित काही साहाय्य पाहिजे असल्यास मी सेवेसाठी सदैव तत्पर आहे.’’