उदगीर येथे होणाऱ्या अखिल भारतीय मराठी साहित्य संमेलनाचे उद्घाटन शरद पवार यांच्या हस्ते होणार !

नाशिक – उदगीर (जिल्हा लातूर) येथे २२ ते २४ एप्रिल या कालावधीत ज्येष्ठ साहित्यिक भारत सासणे यांच्या अध्यक्षतेखाली ९५ वे अखिल भारतीय मराठी साहित्य संमेलन होत आहे. या संमेलनाच्या उद्घाटनाला राष्ट्रवादी काँग्रेसचे अध्यक्ष शरद पवार, ‘ज्ञानपीठ’प्राप्त दामोदर मावझोना आणि पंडित हृदयनाथ मंगेशकर उपस्थित रहाणार आहेत, तर केंद्रीय मंत्री नितीन गडकरी यांच्या उपस्थितीत या साहित्य संमेलनाचा समारोप होणार आहे, अशी माहिती संमेलनाचे कार्याध्यक्ष बसवराज पाटील यांनी पत्रकारांशी बोलतांना दिली.