ढोलपूर (राजस्थान) येथे विवाहित महिलेवर पती आणि मुले यांच्यासमोर सामूहिक बलात्कार

अशा वासनांधांना सरकारने लवकरात लवकर अटक करून त्यांना फाशीची शिक्षा द्यावी, असेच नागरिकांना वाटते ! – संपादक

राजस्थानमध्ये काँग्रेसचे सरकार असतांना कायदा आणि सुव्यवस्थेचे वाजलेले हे तीनतेरा निधर्मीवाद्यांना दिसत नाहीत का ? – संपादक

ढोलपूर (राजस्थान) – येथे एका विवाहित महिलेवर तिचा पती आणि मुले यांच्यासमोर सामूहिक बलात्कार करण्यात आल्याची घटना घडली आहे. या प्रकरणी ६ जणांवर गुन्हा नोंदवण्यात आला आहे. या महिलेच्या पतीला या वेळी आरोपींकडून मारहाणही करण्यात आली. महिला तिचा पती आणि दोन मुले यांच्यासमवेत शेतातून परतत असतांना ही घटना घडली. सहा जणांनी त्यांना अडवले आणि बंदुकीचा धाक दाखवत धमकावले. नंतर त्यांनी महिलेवर बलात्कार केला. राष्ट्रीय महिला आयोगाने या घटनेची नोंद घेतली आहे.