श्री शिवप्रतिष्ठान हिंदुस्थान, पेणच्या वतीने बलीदान मासास आरंभ !

पेण (जिल्हा रायगड), ३ मार्च (वार्ता.) – येथे गत वर्षापासून शिवप्रेमींनी धर्मवीर बलीदान मास पाळण्यास आरंभ केला आहे. या वर्षीही फाल्गुन शुक्ल पक्ष प्रतिपदा ते फाल्गुन अमावास्या (३ मार्च ते १ एप्रिल २०२२) पर्यंत बलीदान मास पाळण्यात येणार आहे. छत्रपती शिवाजी महाराज चौक येथील स्मारकाजवळ छत्रपती संभाजी महाराजांच्या प्रतिमेची स्थापना करून अखंड दीप प्रज्वलित करण्यात आलेला आहे. पेण तालुक्यातील सर्व धारकरी, वारकरी, शिवभक्त यांना श्री शिवप्रतिष्ठान हिंदुस्थान पेणच्या वतीने धर्मवीर छत्रपती संभाजी महाराजांना आदरांजली वहाण्यासाठी बलीदान मासात सहभागी होण्याचे आवाहन करण्यात आले आहे.