मेरठ (उत्तरप्रदेश) येथे माझ्या गाडीवर गोळीबार करण्यात आला ! – असदुद्दीन ओवैसी

मेरठ (उत्तरप्रदेश) – मेरठमधील किठौर येथे निवडणुकीच्या प्रचारानंतर देहली येथे जात असतांना छाजरसी टोल नाका येथे २ जणांनी माझ्या गाडीवर ३-४ गोळ्या झाडल्या.

यामुळे गाडीचे टायर पंक्चर झाल्याने मला दुसर्‍या गाडीने पुढचा प्रवास करावा लागला, अशी माहिती एम्.आय.एम्.चे अध्यक्ष आणि खासदार असदुद्दीन ओवैसी यांनी दिली आहे. तसेच या घटनेची निष्पक्षपाती चौकशी करण्यात यावी, अशी मागणी ओवैसी यांनी केली आहे. ‘या प्रकरणी एका आरोपीला पकडण्यात आले असून अन्य आरोपींचा शोध घेण्यात येत आहे, असे पोलिसांकडून सांगण्यात आले आहे.