देवेंद्र फडणवीस यांनी निवडणूक प्रतिज्ञापत्रात २ गुन्हे लपवले !

मुंबई – वर्ष २०१४ च्या विधानसभा निवडणुकीच्या प्रतिज्ञापत्रात विरोधी पक्षनेते देवेंद्र फडणवीस यांनी त्यांच्यावर नोंद असलेल्या २ गुन्ह्यांची माहिती लपवल्याचे प्रकरण आता अंतिम टप्प्यात आले आहे. या प्रकरणात प्रथम श्रेणी न्याय दंडाधिकारी न्यायालयात (जे.एम्.एफ्.सी.) देवेंद्र फडणवीस यांच्या विरोधात आरोप निश्चित करण्यात आले आहेत. नागपूरमधील अधिवक्ता सतीश उके यांनी फडणवीस यांच्या विरोधात तक्रार प्रविष्ट केली.