गोवा विधानसभा निवडणूक फेब्रुवारी २०२२ मध्ये होणार – डॉ. प्रमोद सावंत, मुख्यमंत्री

जानेवारी २०२२ मध्ये आचारसंहिता लागू होणार !

पणजी, २२ नोव्हेंबर (वार्ता.) – गोवा विधानसभेची फेब्रुवारी २०२२ मध्ये निवडणूक होणार आहे, तर जानेवारी २०२२ मध्ये निवडणुकीची आचारसंहिता लागू होणार आहे, अशी माहिती मुख्यमंत्री डॉ. प्रमोद सावंत यांनी दिली. गोवा विधानसभेचा कार्यकाळ १५ मार्च २०२२ या दिवशी संपुष्टात येत आहे आणि तत्पूर्वी निवडणूक होऊन नवीन सरकार स्थापन होणे क्रमप्राप्त आहे.