नागपूर येथील रेल्वे कार्यालयातील सहकारी महिलेशी अश्लील चाळे केल्याप्रकरणी २ अधिकार्‍यांवर गुन्हा नोंद !

नागपूर – येथील रेल्वे कार्यालयातील सहकारी महिलेला जातीवाचक शिवीगाळ आणि अश्लील चाळे करून तिचा विनयभंग केल्याप्रकरणी पोलिसांनी दक्षिण पूर्व मध्य रेल्वेच्या २ वरिष्ठ अधिकार्‍यांवर १३ नोव्हेंबर या दिवशी गुन्हा नोंद केला आहे. वाणिज्य व्यवस्थापक विकासकुमार कश्यप आणि साहाय्यक वाणिज्य व्यवस्थापक अविनाशकुमार आनंद अशी त्यांची नावे आहेत.

पीडित महिला रेल्वे विभागात मोठ्या पदावर कार्यरत आहेत. दोन्ही अधिकारी पीडित महिलेला वारंवार त्यांच्या दालनात बोलवायचे. त्यांच्या कामात चुका काढून त्यांना जातीवाचक शिवीगाळ करत होते. कागदपत्रे भूमीवर फेकून महिलेला उचलायला लावणे, तसेच जवळ बोलावून स्पर्श करणे, असे प्रकारही केले जायचे. महिलेने अपर्कीतीच्या भीतीपोटी याविषयी कुठेही वाच्यता केली नव्हती.