दुसर्‍या दिवशी श्री महालक्ष्मीदेवीच्या कमरेपर्यंत सूर्यकिरणे !

श्री महालक्ष्मी मंदिरातील किरणोत्सव !

कोल्हापूर, ११ नोव्हेंबर (वार्ता.) – साडेतीन शक्तीपिठांपैकी एक असणार्‍या करवीर निवासिनी श्री महालक्ष्मीदेवीच्या किरणोत्सवास ९ नोव्हेंबरपासून प्रारंभ झाला. १० नोव्हेंबर म्हणजे किरणोत्सवाच्या दुसर्‍या दिवशी श्री महालक्ष्मी मंदिरात सूर्यकिरणे देवीच्या कमरेपर्यंत आली यानंतर डाव्या बाजूने ती लुप्त झाली. प्रारंभीकाळात सूर्यकिरणांची क्षमता चांगली होती; मात्र किरणांनी मंदिरात प्रवेश केल्यानंतर काही ढग आल्याने किरणोत्सवाच्या शेवटच्या टप्प्यात अल्प तीव्रतेची किरणे मंदिरात आली होती. असे असले, तरी किरणोत्सव पूर्ण क्षमतेने पार पडला.