जशपूरनगर (छत्तीसगड) येथे गर्दीमध्ये चारचाकी घुसल्याने ४ जणांचा मृत्यू

जशपूरनगर (छत्तीसगड) – येथे जलद गतीने येणारी गांजाने भरलेली चारचाकी एका गर्दीमध्ये घुसल्याने ४ जणांचा मृत्यू झाला, तर अनेक जण घायाळ झाले. या घटनेमुळे संतप्त झालेल्या नागरिकांनी गाडीच्या चालकाला चोपले आणि या गाडीला आग लावली. सध्या येथे तणावाची स्थिती आहे. पोलिसांनी चालकाला अटक केली आहे. मुख्यमंत्री भूपेश बघेल यांनी घटनेविषयी दुःख व्यक्त केले आहे.