मेडक (तेलंगाणा) येथे भाजपच्या नेत्याला चारचाकीच्या डिकीमध्ये बंद करून जिवंत जाळले !

तेलंगाणामधील तेलंगाणा राष्ट्र समिती सरकारच्या राज्यात कायदा आणि सुव्यवस्थेचे तीन तेरा !

मेडक (तेलंगाणा) – येथे भाजपचे माजी जिल्हा उपाध्यक्ष व्ही. श्रीनिवास प्रसाद (वय ४५ वर्षे) यांना अज्ञातांनी चारचाकी गाडीच्या डिकीमध्ये बंद करून जिवंत जाळल्याची घटना घडली आहे. पोलीस या घटनेचे अन्वेषण करत आहेत. श्रीनिवास रा.स्व. संघ आणि विहिंप यांच्याशी जोडलेले होते. त्यांच्यावर यापूर्वीही प्राणघातक आक्रमणे झाली होती. व्यवसायावरून त्यांचा काही जणांशी वाद चालू होता.