नागपूर येथे ‘वेब सिरीज’ पाहून मुलाचे अपहरण करून हत्या !

संतप्त नागरिकांचा पोलीस ठाण्याला घेराव

‘वेब सिरीज’चे भयानक परिणाम दुष्परिणाम लक्षात घेता सरकारने हिंसक स्वरूपाच्या ‘वेब सिरीज’वर कायमस्वरूपी बंदी घातली पाहिजे !

नागपूर – येथील इंदिरा मातानगर येथे रहाणारा राज उपाख्य मंगलू चंदन पांडे (वय १५ वर्षे) या मुलाचे अपहरण आणि हत्याकांड यांचे कारस्थान सूरज शाहू (वय २० वर्षे) याने ‘वेब सिरीज’ पाहून रचल्याचे पोलिसांच्या अन्वेषणात उघड झाले आहे. परिसरातील संतप्त लोकांनी या घटनेचा निषेध करत पोलीस ठाण्याला घेराव घातला. या वेळी आरोपीला कह्यात देण्याची मागणी लोकांनी केली. सूरज याने २ दिवसांपूर्वी राज याचे अपहरण करून त्याची दगडाने डोके ठेचून आणि हाताची नस कापून हत्या केली. राज याचे काका मनोज पांडे यांच्यावरील रागामुळे आणि आपल्या आईवरील अत्याचाराचा बदला घेण्यासाठी त्याने हे कृत्य केल्याचे सांगण्यात येते.