ठाणे येथे १५ जणांनी अवैधरित्या लस घेतली !

ठाणे, ४ जून (वार्ता.) – अभिनेत्री मीरा चोप्रा हिचे बनावट ओळखपत्र सिद्ध करून तिला अवैधरित्या लस दिल्याचे उघड झाले होते. यानंतर संपूर्ण प्रकरणाच्या चौकशीसाठी समिती नेमण्यात आली होती. समितीच्या अन्वेषणातून अशा प्रकारे २१ श्रीमंत तरुण-तरुणींची बनावट ओळखपत्र सिद्ध केली होती. यापैकी १५ जणांनी ‘फ्रँटलाईन’ कामगार म्हणून अशा प्रकारे लस घेतल्याची समोर आले. यामध्ये आणखी एका अभिनेत्रीचे बनावट ओळखपत्रही सिद्ध केले होते; मात्र तिला लस दिलेली नाही. यात दोषी असणार्‍या सर्वांच्या विरोधात फौजदारी गुन्हे नोंद करण्याची शिफारस अहवालात केली आहे.