कराड येथे रुग्णालयात उपचार घेणार्‍या कोरोनाबाधित महिलेच्या मंगळसूत्राची चोरी

कराड, ३० मे (वार्ता.) – येथील एका रुग्णालयातून  एका महिलेच्या गळ्यातील सवादोन तोळ्यांचे मंगळसूत्र चोरीला गेले आहे. त्यांचा मुलगा आनंदराव पाटील यांनी पोलिसांत तक्रार दिली आहे.

महिलेला कोरोना झाल्याने रुग्णालयात भरती करण्यात आले. त्यातच तिला मेंदू विकाराचाही झटका बसला होता. उपचारानंतर तिला घेण्यास आलेल्या तिच्या मुलाला आईच्या गळ्यात मंगळसूत्र नसल्याचे लक्षात आले. याविषयी त्यांनी सर्वत्र शोध घेतला; मात्र ते सापडले नाही.