बीड जिल्ह्यात अतिवृष्टीमुळे भर उन्हाळ्यात नद्यांना पूर

बीड – जिल्ह्याच्या काही भागांत ९ मे या दिवशी विजांचा कडकडाट आणि वादळी वार्‍यासह अवकाळी पावसाने हजेरी लावली. धारूर तालुक्यात झालेल्या अतिवृष्टीमुळे नद्या, नाल्यांना पूर आला होता. धारूर तालुक्यातील सोनीमोहा, जहांगीर मोहा, पहाडी पारगाव, चोरंबा, अरनवाडी येथे मेघगर्जनेसह पाऊस झाला.

पुराच्या पाण्यात एक प्रवासी वाहन अडकले, तर बैलगाडी वाहून गेल्याची घटना घडली. धारुर शहरातही जोरदार पाऊस झाल्याने सखल भागांत पाणी साचले होते.  वादळामुळे कोविड केंद्राच्या रस्त्यावरील विद्युत् रोहित्र कोसळल्याने काही वेळ वाहतूक ठप्प झाली होती, तर वीजपुरवठाही खंडित झाला होत. भर उन्हाळ्यात नदीला पूर आल्याने बघ्यांची गर्दी झाली होती.