पोलिसांनी केलेल्या कारवाईनंतर नोबल पुरंदर हेल्थ केअर सेंटरकडून जादा आकारलेली रक्कम परत देण्याची तयारी !

पुरंदर (पुणे) – सरकारने ठरवलेल्या रकमेपेक्षा सिटी स्कॅनिंगसाठी जादा रक्कम घेणार्‍या पुरंदर येथील नोबल पुरंदर हेल्थ केअर सेंटरवर पुरंदर पोलिसांनी धाड टाकली. पोलिसांच्या कारवाईत ‘ज्यांच्याकडून जादा रक्कम घेतली आहे, त्यांना ती परत करू’, अशी भूमिका हेल्थ केअर सेंटरने घेतली. त्यानुसार घेतलेली जादा रक्कम परत घेण्यासाठी नोबल पुरंदर हेल्थ केअर सेंटरवर लोकांनी गर्दी केली.

प्रत्यक्षात रक्कम जादा घेतांना त्याची पावतीही काही ग्राहकांना दिली नाही. ज्यांना पावती दिली आहे, त्यांनाच जादा घेतलेली रक्कम परत देण्यात येत आहे. याचप्रमाणे ज्यांना पावती दिली नाही, त्यांची नावे नोंद करून घेत त्यांना पुन्हा संपर्क करतो, असेही केअर सेंटरकडून सांगण्यात आले आहे.