कोरोनामुळे मृत झालेल्या व्यक्तीच्या मौल्यवान वस्तूंची चोरी !

बेंगळुरू (कर्नाटक) – कोरोनाच्या संक्रमणामुळे मृत झालेल्या एका व्यक्तीच्या मौल्यवान वस्तूंची रुग्णालयात चोरी झाल्याची घटना समोर आली आहे. अससंबेले येथे ही घटना घडली आहे. मृताच्या मुलीने मौल्यवान वस्तूंची चोरी झाली असल्याचा आरोप केला आहे. मुलीने म्हटले की, वडिलांना भरती करतांना सोन्याचे दागिने आणि भ्रमणभाष त्यांच्या जवळ होता; परंतु त्यांचा मृत्यू झाल्यानंतर त्या वस्तू नाहीशा झाल्या आहेत. विचारणा केल्यावर त्यांच्या अंगावर काहीच नसल्याचे सांगितले गेलेे. रुग्णालयात चोर्‍या होत असून त्या विषयी पोलिसांकडे तक्रार करण्यात आली आहे.