मुसलमानांना १० टक्के आरक्षण देण्याच्या मागणीसाठी मुस्लिम लीगचे निवेदन

निधर्मी देशात धर्माच्या आधारे आरक्षण मागणारी धर्मांध मुस्लिम लीग ! भारताच्या फाळणीची मागणी करून ती मिळवणार्‍या मुस्लिम लीगला आता धर्माच्या आधारे आरक्षण हवे, हे पहाता अशा पक्षावर बंदीच घातली पाहिजे !

मंगळुरू (कर्नाटक) – राज्यात मुसलमानांचा प्रवर्ग २ बी मध्ये समावेश करून ४ टक्के आरक्षण देऊन अन्याय करण्यात आला आहे. हे आरक्षण मुसलमानांच्या लोकसंख्येनुसार अत्यंत अल्प असून ते वाढवून १० टक्के आरक्षण देण्यात यावे, असे निवेदन दक्षिण कन्नड जिल्हाधिकार्‍यांच्या माध्यमातून राज्यशासनाला दिले आहे. राज्यात अनुसूचित जाती आणि जमाती यांना, तसेच इतर हिंदू वर्गांना आरक्षण दिले आहे. हे आरक्षण राजकीय वरदहस्ताने मागच्या दाराने ओरबाडण्याच्या षड्यंत्राचे मुस्लिम लीग निषेध करते, असे पक्षाकडून सांगण्यात आले आहे.