प्रसिद्ध दिग्दर्शक अनुराग कश्यप आणि अभिनेत्री तापसी पन्नू यांच्या मालमत्तांवर आयकर विभागाचे धाडसत्र

मुंबई – हिंदी चित्रपटसृष्टीतील दिग्दर्शक अनुराग कश्यप आणि अभिनेत्री तापसी पन्नू यांच्या विरोधात आयकर विभागाने ३ मार्च या दिवशी धाडसत्र आरंभले. विभागाने त्या दोघांच्या मालमत्तांवर धाडी टाकत झाडाझडती चालू केली. अनुराग आणि तापसी यांच्यासह विकास बहल अन् मधु मंटेना यांच्या घरीही धाडी टाकल्या आहेत. ‘फँटम फिल्म’शी संबंधित लोकांच्या घरांवर धाडी टाकण्यात आल्या. मधू मंटेना यांचे आस्थापन ‘क्वान’ यांच्या कार्यालयावरही धाड टाकली आहे. या धाडसत्राच्या मागे कर चुकवल्याचा आरोप आहे. मुंबईतील २२ ठिकाणांची झाडाझडती आयकर विभाग घेत आहे.