बीड जिल्ह्यातील शंतनू मुळूक यांची टूलकिट प्रकरणी देहली पोलिसांकडून चौकशी

बीड – टूलकिट प्रकरणी देहली पोलिसांनी मुंबई उच्च न्यायालयात वकिली करणार्‍या निकीता जेकब आणि बीड येथील अभियंता शंतनू मुळूक यांच्यावर आरोप केलेले आहेत. या प्रकरणी २२ फेब्रुवारी या दिवशी दोघांचीही देहली पोलिसांनी चौकशी केली. द्वारका येथील पोलिसांच्या कार्यालयात शंतनूची चौकशी करण्यात आल्याचे एका वरिष्ठ पोलीस अधिकार्‍याने सांगितले.

निकीता जेकब आणि शंतनू मुळूक या दोघांनाही चौकशीसाठी उपस्थित रहाण्यास नोटीस पाठवण्यात आली होती. या टूलकिट प्रकरणात पोलिसांनी शंतनू यांच्या घराची झडतीही घेतली होती. शंतनूला मुंबई उच्च न्यायालयाच्या संभाजीनगर खंठपिठाने अंतरिम जामीन दिलेला आहे.