वीजदेयक माफीसाठी पुण्यात ‘बोंबाबोंब’ आंदोलन !

पुणे – महावितरण आस्थापनाने वीजजोडणी तोडण्यासाठी दिलेल्या ७१ लाख नोटीसा रहित करण्यात याव्यात, घरगुती आणि छोट्या-मोठ्या व्यावसायिक दुकानदारांचे संपूर्ण वीजदेयक माफ करावे या मागण्यांसाठी पुणे येथील वाघोली परिसरात १० फेब्रुवारी या दिवशी ‘बोंबाबोंब’ आंदोलन करण्यात आले. दळणवळण बंदी काळातील वीजदेयक माफीसाठी दुकानदार व्यापारी असोसिएशनचे अध्यक्ष सोमनाथ काशिद यांचे दळणवळण बंदी उठवल्यापासून वेगवेगळ्या मार्गाने बेमुदत आंदोलन चालू असून त्याचाच एक भाग म्हणून ‘बोंबाबोंब’ आंदोलन करण्यात आले. यामध्ये विविध प्रकारचे व्यावसायिक सहभागी झाले होते.