ठाणे येथील गोखले रोड येथे पितांबरी शॉपीचे उद्घाटन !

सकाळी १० ते दुपारी ४ या वेळेत शॉपी चालू असणार

ठाणे – पितांबरीने येथील गोखले रस्त्यावरील हेमेंद्र सोसायटीच्या ठिकाणी पितांबरी शॉपी चालू करण्यात आली आहे. पितांबरीचे व्यवस्थापकीय संचालक श्री. रविंद्र प्रभुदेसाई यांच्या वाढदिवसाच्या निमित्ताने ४ फेब्रुुवारी या दिवशी कोकण पदवीधर मतदारसंघाचे आमदार श्री. निरंजन डावखरे यांच्या हस्ते या या शॉपीचं उद्घाटन करण्यात आले. या प्रसंगी श्री. रविंद्र प्रभुदेसाई यांच्यासमवेत पितांबरीचे उपाध्यक्ष श्री. परीक्षित प्रभुदेसाई, सीईओ श्री. माधव पुजारी आणि स्थानिक नगरसेवक श्री. सुनेश जोशी आदी मान्यवर उपस्थित होते.

पितांबरीची सर्व उत्पादने या पितांबरी शॉपीमध्ये मिळतीलच; परंतु त्यासह पितांबरीची नवीन उत्पादनेही येथे ग्राहकांना सर्वप्रथम खरेदी करता येतील. सकाळी १० ते दुपारी ४ या वेळेत म्हणजेच हॅपी अवर्समध्ये या पितांबरी शॉपीमधून खरेदी करणार्‍या ग्राहकांना वर्षभर सवलत उपलब्ध असेलच. तसेच या शुभारंभाच्या निमित्ताने पितांबरीच्या उत्पादनांवर ग्राहकांसाठी विशेष सवलत घोषित करण्यात आली आहे. तरी ग्राहकांनी पितांबरी शॉपीला त्वरित भेट देऊन या संधीचा लाभ घ्यावा, असं आवाहन पितांबरीच्या वतीने करण्यात आले आहे.