गिरगाव चौपाटी परिसरातील वडाचे झाड तोडणार्‍यांवर कठोर कारवाई करावी ! – पर्यावरणप्रेमी नागरिकांची मागणी 

मुंबई महापालिकेच्या वतीने पोलीस ठाण्यात तक्रार 

मुंबई – गिरगाव चौपाटी भागातील तांबे चौकातील सिग्नलला लागून असलेले वडाचे झाड ३ फेब्रुवारीच्या पहाटे कापण्यास आरंभ करण्यात आला. संध्याकाळपर्यंत हे झाड पूर्णपणे कापण्यात आले. याविषयी पर्यावरणप्रेमी नागरिकांमध्ये संताप व्यक्त केला जात असून संबंधितांवर कठोर कारवाई करावी, अशी मागणी नागरिकांकडून होत आहे. या प्रकरणी महानगरपालिकेच्या ‘डी’ विभागाच्या वतीने गावदेवी पोलीस ठाण्यात तक्रार प्रविष्ट करण्यात आली आहे.

झाडामुळे वाहतूक सिग्नल स्पष्टपणे दिसत नसल्याने झाडाच्या फांद्या छाटण्यात येत असल्याचे पर्यावरणप्रेमी नागरिकांना सांगण्यात आले होते; मात्र संपूर्ण झाड छाटण्यात आले. वर्षानुवर्षे मागच्या इमारतींवर लावलेली विज्ञापने दिसण्यासाठी हे झाड कापले असावे, असा आरोप पर्यावरणप्रेमी नागरिक करत आहेत.