अ.भा. मराठी साहित्य महामंडळाचे ९४ वे मराठी साहित्य संमेलन नाशिक येथे

संभाजीनगर – मार्च मासाच्या अखेरीस नाशिक येथे अखिल भारतीय मराठी साहित्य महामंडळाचे आगामी ९४ वे मराठी साहित्य संमेलन होणार असल्याची घोषणा महामंडळाचे अध्यक्ष कौतिकराव ठाले-पाटील यांनी संभाजीनगरमध्ये ८ जानेवारी या दिवशी केली. नाशिककरांशी चर्चा करून संमेलनाचे दिनांक निश्‍चित केले जातील, असेही त्यांनी सांगितले.

९४ व्या साहित्य संमेलनासाठी नाशिकमधून २, सेलू येथून १, पुण्यातून (देहलीसाठी) १ आणि अंमळनेरमधून १ अशी ५ आमंत्रणे आली होती; मात्र महामंडळाने नाशिकमधील लोकहितवादी मंडळाचे निमंत्रण स्वीकारले होते.