चारकोप (मुंबई) येथील मंदिराला लागलेल्या भीषण आगीत २ जणांचा होरपळून मृत्यू

मुंबई – कांदिवलीतील चारकोप येथील साईबाबा मंदिरात २७ डिसेंबरला पहाटे ३ वाजता ‘शॉर्ट सर्किट’मुळे लागलेल्या आगीमध्ये २ जणांचा होरपळून मृत्यू झाला, तर एक जण गंभीर घायाळ झाला आहे. सुभाष खोडे आणि युवराज पवार अशी मृतांची नावे आहेत.

हे तिघे जणही मंदिरात झोपले होते. मंदिराचा मुख्य दरवाजा बंद असल्यामुळे त्यांना लगेच बाहेर पडता आले नाही. आगीची माहिती मिळताच पहाटे सवाचार वाजता अग्नीशमनदलाचे जवान घटनास्थळी पोचून त्यांनी आगीवर नियंत्रण मिळवले. घायाळ युवकाचे नाव मनू गुप्ता असून त्याच्यावर उपचार चालू आहेत.