आतंकवादविरोधी ‘मॉक ड्रिल’मध्ये ‘ग्रेनेड’च्या स्फोटात हवालदार घायाळ

पणजी, ८ डिसेंबर (वार्ता.) – गोवा वैद्यकीय महाविद्यालयाच्या नवीन ‘सुपर स्पेशालिटी’ विभागाजवळ ८ डिसेंबर या दिवशी सकाळी ‘ग्रेनेड’ स्फोटाचा ‘मॉक ड्रिल’ (रंगीत तालिम) करतांना गोवा पोलिसांच्या आतंकवादविरोधी पथकातील पोलीस हवालदार जयदेव सावंत घायाळ झाला. ‘ग्रेनेड’ स्फोटामध्ये पोलीस हवालदार जयदेव सावंत यांच्या पायाचे हाड मोडल्याने त्यांच्यावर तातडीने शस्त्रक्रिया करावी लागली.

राज्यात ५०० ‘नॅशनल सेक्युरिटी गार्ड’ कमांडो आणि १ सहस्र गोवा पोलीस कर्मचारी यांनी संयुक्तपणे ‘मॉक ड्रिल’ केले. याअंतर्गत राज्यातील विविध भागांत ‘डमी’ बॉम्ब ठेवून ते नंतर निकामी करण्यात आले.