अन्वेषणात कुचराई करणार्‍या अमली पदार्थविरोधी पथकाच्या २ अधिकार्‍यांचे निलंबन

मुंबई – अमली पदार्थविरोधी कारवाईच्या अन्वेषणात कुचराई केल्याप्रकरणी शासकीय अधिवक्ता अतुल सरपांडे आणि अन्य एक अधिकारी यांच्यावर अमली पदार्थविरोधी पथकाचे मुंबई क्षेत्रीय संचालक समीर वानखेडे यांनी निलंबनाची कारवाई केली आहे.

चित्रपटसृष्टीशी संबंधित करिश्मा प्रकाश, अभिनेत्री भारती सिंह आणि तिचा पती हर्ष लिंबाचिया यांच्या घरावर अमली पदार्थविरोधी पथकाने धाड टाकली. या वेळी अमली पदार्थांसह त्यांना अटक करण्यात आली; मात्र सुनावणीच्या वेळी अधिवक्ता अतुल सरपांडे अनुपस्थित राहिले. त्यामुळे त्यांना आणि अन्य एक अधिकारी यांच्यावर ही कारवाई करण्यात आली.