‘कदाचित् मंत्र्यांची स्वतःची मुले शाळेत जात नसतील आणि त्या स्वतः पूर्ण दिवस ‘एसी’मध्ये झोपून रहातात !

श्रीनगर (काश्मीर) – उष्णता वाढूनही शाळेला सुटी न दिल्याने येथील १२ वर्षांच्या एका शालेय विद्यार्थ्याने शिक्षणमंत्री सकीना इटू यांच्यावर ‘कदाचित् मंत्र्यांची स्वतःची मुले शाळेत जात नसतील आणि त्या स्वतः पूर्ण दिवस ‘एसी’मध्ये झोपून रहातात’, अशा शब्दांत टीका केली. या विद्यार्थ्याचा व्हिडिओ सामाजिक माध्यमांत प्रसारित झाला आहे. काश्मीर खोर्‍यातील तापमान ३५ अंश सेल्सिअसच्या पुढे गेले असल्याने उष्णतेमुळे त्रस्त झालेल्या या विद्यार्थ्याने ही टीका केली.

व्हिडिओ सर्वप्रथम प्रसारित करणार्‍या वृत्तसंस्थेला नोटीस !

शासकीय ‘बाल कल्याण समिती’ने या प्रकरणाची तात्काळ नोंद घेत संबंधित व्हिडिओ सर्वप्रथम प्रसारित करणार्‍या वृत्तसंस्थेला नोटीस बजावली आहे. तसेच पोलिसांना व्हिडिओ हटवून ही मुलाखत घेणार्‍यांविरुद्ध गुन्हा नोंदवण्याचा आदेश दिला आहे. पालकांची किंवा शाळा प्रशासनाची संमती न घेता अल्पवयीन मुलाची मुलाखत घेऊन ती प्रसारित करणे नियमबाह्य असल्याचे समितीने म्हटले आहे.