बिनखांबी गणेश मंदिर ते महाद्वार चौक परिसरात महापालिकेची अतिक्रमण निर्मूलन कारवाई !

कोल्हापूर – कोल्हापूर महानगरपालिकेच्या विभागीय कार्यालय ‘क्रमांक २’च्या ‘अतिक्रमण निर्मूलन पथका’ने बिनखांबी गणेश मंदिर ते महाद्वार चौक, तसेच ताराबाई रस्ता परिसरात अनधिकृत फेरीवाले आणि रस्त्यांवरील अतिक्रमणांविरोधात कारवाई केली. या कारवाईच्या वेळी लोखंडी हातगाड्या, लोखंडी जाळ्या, फलक, छत्र्या यासंह अन्य साहित्य जप्त करण्यात आले.

ताराबाई रस्ता येथील महानगरपालिकेच्या बहुमजली वाहनतळ असलेल्या गाळेधारकांना पूर्वी वाटप करण्यात आलेल्या गाळ्यांमधील जागा रिकाम्या करण्याविषयी वारंवार सूचना देण्यात आल्या होत्या. त्या सूचनांची कार्यवाही न झाल्याने ही कारवाई करण्यात आली.