सांगलीत छत्रपती संभाजी महाराज यांच्या भव्य स्मारकाच्या कामाचे भूमीपूजन !

सांगली, १६ मे (वार्ता.) – छत्रपती संभाजी महाराज यांच्या जयंतीनिमित्त शहरातील त्रिकोणी बाग परिसर ‘धर्मवीर छत्रपती संभाजी महाराज की जय’ अशा जयघोषाने आणि ढोल-ताशांच्या गजराने दुमदुमून गेला. या मंगलदिनी महाराज यांच्या भव्य स्मारकाचे भूमीपूजनही पार पडले. या वेळी मोठ्या संख्येने उपस्थित शिवभक्तांनी भगव्या पताका फडकावत महाराज यांच्या शौर्याचे स्मरण केले. त्रिकोणी बागेत १ कोटी ६० लाख रुपये खर्चून उभारण्यात येणार्‍या भव्य स्मारकाचे भूमीपूजन स्थायी समिती सभापती अतुल माने यांच्या हस्ते पार पडले.