पिझ्झा बनवतांना त्यावर थुंकणार्‍या मुझम्मिल याला लोकांनी चोपले

नोएडा (उत्तरप्रदेश) – एका पिझ्झाच्या दुकानातील एक व्हिडिओ सामाजिक माध्यमांत मोठ्या प्रमाणात प्रसारित झाला आहे. यामध्ये मुझम्मिल नावाचा एक तरुण पिझ्झा बनवतांना त्यावर थुंकतांना दिसत आहे. मुझम्मिल हा चौडा गावातील ‘पिझ्झा हंट’ नावाच्या दुकानात काम करतो. व्हिडिओ प्रसारित झाल्यानंतर लोक संतप्त झाले. त्यानंतर हिंदु रक्षा दलाच्या कार्यकर्त्यांनी त्याला चोपले.

१. यानंतर हिंदु रक्षा दलाचे कार्यकर्ते घटनास्थळी पोचले आणि त्यांनी निषेध आंदोलन केले. हिंदु रक्षा दलाच्या कार्यकर्त्यांचे म्हणणे होते की, त्यांना दुकानात पदार्थ बनवतांना त्यात थुंकले जात असल्याची तक्रार मिळाली होती.

२. त्यानंतर त्यांनी सीसीटीव्हीचे छायाचित्रण पाहिले असता तक्रार खरी असल्याचे निष्पन्न झाले. संघटनेच्या कार्यकर्त्यांनी १० मे या दिवशी मुझम्मिल याला पकडले आणि पोलिसांच्या स्वाधीन केले.

३. चौकशीच्या वेळी मुझम्मिल याने सांगितले की, पिझ्झा बनवतांना त्यावर जमा झालेला मैदा हटवण्यासाठी त्याने केवळ फूँकर मारली होती.

४. पोलीस या संपूर्ण प्रकरणाचे अन्वेषण करत असून व्हिडिओच्या सत्यतेची पुष्टी केली जात आहे.