नागपूर – कर्तव्यात कसूर करून वरिष्ठांना सायबर गुन्ह्याविषयी खोटा आणि दिशाभूल करणारा अहवाल देणारे ३ पोलीस अधिकारी आणि ६ कर्मचारी यांचे निलंबन नागपूरच्या पोलीस आयुक्तांनी केले आहे. योगेश घारे, बळीराम सुतार आणि विजय राणे अशी पोलीस निरीक्षकांची नावे आहेत.
१. नागपूरमधील ऑनलाईन बेटिंग अॅपद्वारे ५०० रुपयांच्या फसवणुकीच्या प्रकरणाच्या अन्वेषणासाठी साहाय्यक पोलीस निरीक्षक विजय राणे यांच्या नेतृत्वात विशेष पथक पुणे आणि मुंबई येथे गेले.
२. पुण्यात पथकाने संशयित आरोपी एकांश जैन याची भेट घेऊन त्याला नोटीस दिली; मात्र नागपूरला परतल्यावर पथकाने ‘आरोपी मिळाला नाही’, असा खोटा अहवाल वरिष्ठांना सादर केला. अन्वेषणाच्या नावाखाली आरोपीकडून मोठी आर्थिक वसुली केल्याचीही चर्चा झाली.
३. ‘सायबर सेल’चे पोलीस हवालदार प्रफुल्ल ठाकरे यांना साहाय्यक पोलीस निरीक्षक विजय राणे यांनी मारहाण केल्यावर वरील प्रकार उघड झाला.
४. या प्रकरणानंतर ‘सायबर सेल’च्या पोलीस उपायुक्तांचे स्थानांतर करण्यात आले असून आय.पी.एस्. अधिकारी दीपक अग्रवाल यांच्याकडे सायबर विभागासह आर्थिक गुन्हे शाखेचा अतिरिक्त कार्यभार सोपवण्यात आला आहे. ‘सायबर गुन्हेगारांविरुद्ध कठोर कारवाई करणे आणि पीडित नागरिकांना न्याय मिळवून देणे’, हे प्राधान्य असल्याचे अग्रवाल यांनी सांगितले.
पुण्यातील अत्यंत ‘ऐतिहासिक’ वारसा असलेला शून्य मैलाचा दगड आणि परिसराची दुरवस्था !
ठाणे येथे संरक्षण भिंत कोसळून ७ रिक्शांसह दुचाकीची हानी
खासदार संजय दिना पाटील यांच्या विरोधात ठाणे येथे पत्रकारांचे आंदोलन
प्रशासकीय, तसेच लोकांच्या अडचणी सोडवण्यासाठी लवकरच राज्यात ८८ नवीन महसूल कार्यालये ! – चंद्रशेखर बावनकुळे, महसूलमंत्री
अन्वेषणासाठी विशेष पोलीस पथक स्थापन करण्याचे तालिका अध्यक्षांचे निर्देश !
देहू ते आळंदी पालखी मार्ग ‘संतभूमी’ म्हणून घोषित करा ! – अभय टिळक, माजी मुख्य विश्वस्त, आळंदी देवस्थान