कारागृहातील बंदीवानांना अमली पदार्थ पुरवतांना पोलीस हवालदाराला रंगेहात पकडले

पणजी, १७ एप्रिल (वार्ता.) – कोलवाळ येथील मध्यवर्ती कारागृहात बंदीवानांना गांजा हे अमली पदार्थ पुरवतांना सांखळी येथील एका पोलीस हवालदाराला कारागृह प्रशासनाने रंगेहात पकडले.

संबंधित पोलीस हवालदार बंदीवानांना गांजा पुरवत असल्याची गोपनीय माहिती कारागृह प्रशासनाला मिळाली होती आणि या आधारे सापळा रचून त्याला रंगेहात कह्यात घेण्यात आले. संबंधित पोलीस हवालदाराकडून १६५ ग्रॅम गांजा कह्यात घेण्यात आला. या प्रकाराची पोलीस प्रशासनाने गंभीर नोंद घेतली आहे आणि संबंधित कर्मचार्‍यावर निलंबनाची कारवाई होऊ शकते. या घटनेमुळे कारागृहाच्या सुरक्षेविषयी प्रश्नचिन्ह उपस्थित केले जात आहे.