नागपूर येथे राजधानी एक्सप्रेसमधून ४ कोटी रुपयांचे कोकेन जप्त !

नागपूर – हजरत निजामुद्दीन–बेंगळुरू राजधानी एक्सप्रेसमधील एका महिलेकडून ४ कोटी २६ लाख रुपये किमतीचे ८५३ ग्रॅम कोकेन जप्त करण्यात आले आहे. सुरक्षा यंत्रणांना चकवण्यासाठी हे कोकेन शॅम्पूच्या बाटल्यांमध्ये लपवण्यात आले होते. या प्रकरणी एका महिलेला अटक करण्यात आली आहे.

महिलेच्या पिशवीतील शॅम्पूच्या २ बाटल्यांमध्ये ५० पिवळ्या रंगाच्या सीलबंद गोळ्या लपवल्या होत्या. त्यांत पांढर्‍या पावडरच्या स्वरूपात कोकेन भरले होते. गुप्त माहितीच्या आधारे १२ एप्रिल या दिवशी नागपूर रेल्वेस्थानकात सापळा रचण्यात आला. संशयित महिलेला अजनी रेल्वेस्थानकावर उतरवून तिची झडती घेतली.