खेड (पुणे) येथे अडीच लाखांचा भेसळयुक्त ‘मँगो पल्प’ जप्त !

राजगुरुनगर (जिल्हा पुणे) – खेड तालुक्यातील राक्षेवाडी येथील ‘अविष्कार एंटरप्रायझेस’ आणि मावळ तालुक्यातील उरसे येथील महंमद एकरामुल उपाख्य अक्रम गुलाम यांच्याकडे अन्न-औषध प्रशासनाने धाड घालून ३ सहस्र २८२ किलो भेसळयुक्त मँगो पल्प (आंब्याचा गर) जप्त केला. रसायनयुक्त पल्पचा विषारी साठा नष्ट केला आहे. (अल्पशा लाभासाठी जनतेच्या जीवाशी खेळणार्‍या भेसळखोरांवर कारवाई झाली पाहिजे ! – संपादक)

भेसळयुक्त साखर, गाईचे दूध, घातक रसायन आणि कृत्रिम रंगांचा वापर करून हा पल्प बनवला जात होता. याच्या सेवनामुळे जुलाब, उलट्या आणि दीर्घकाळात कर्करोगासारखे गंभीर आजार जडण्याची शक्यता आहे.