दूरदर्शनच्या विनामूल्य वाहिन्या पहाण्यासाठी ‘सेट-टॉप बॉक्स’ची आवश्यकता नाही !

केंद्र सरकारची घोषणा

(‘सेट-टॉप बॉक्स’ म्हणजे दूरचित्रवाणी संचाला जोडले जाणारे एक इलेक्ट्रॉनिक उपकरण. याच्या साहाय्याने  केबल, डिश (डीटीएच) किंवा इंटरनेट यांवरून येणारे डिजिटल दूरचित्रवाणी सिग्नल टीव्हीवर पहाता येतात)

नवी देहली – ‘दूरदर्शन’चे ‘फ्री डिश चॅनेल्स’ पहाण्यासाठी कोणत्याही वेगळ्या ‘सेट-टॉप बॉक्स’ची आवश्यकता भासणार नाही, अशी माहिती केंद्रीय माहिती आणि प्रसारण मंत्री श्री. अश्विनी वैष्णव यांनी दिली. त्यांनी ‘इन-बिल्ट सॅटेलाईट ट्यूनर’ आणि ‘स्मार्ट इलेक्ट्रॉनिक प्रोग्राम गाईड’ असलेले नवीन टीव्ही सादर केले आहेत.

आतापर्यंत ‘फ्री डिश’ पहाण्यासाठी टीव्हीसमवेत एक स्वतंत्र सेट-टॉप बॉक्स लावावा लागत असे. आता नवीन तंत्रज्ञानामुळे टीव्हीमध्येच सॅटेलाईट ट्यूनर बसवलेले असेल, ज्यामुळे सॅटेलाईटचे सिग्नल थेट टीव्ही पकडू शकेल. ग्राहकांना वेगळा सेट-टॉप बॉक्स खरेदी करण्याचा खर्च करावा लागणार नाही.