एल्पीजी टंचाईमुळे होणारी अवैध वृक्षतोड रोखा ! – कर्नाटकच्या वनमंत्र्यांचा आदेश

बेंगळुरू (कर्नाटक) – मध्यपूर्वेतील युद्धामुळे भारतात एल्पीजी सिलिंडरच्या टंचाईच्या पार्श्वभूमीवर सरपणाच्या वाढत्या मागणीमुळे जंगल, जंगलालगतची क्षेत्रे आणि सरकारी भूमी येथे होणारी अवैध वृक्षतोड रोखा, असा आदेश कर्नाटकचे वनमंत्री ईश्वर खांड्रे यांनी अधिकार्‍यांना दिला. सर्व विभागांनी योग्य गस्त घालावी, तसेच प्रतिबंधात्मक उपाययोजना काढाव्यात, असेही खांड्रे यांनी सांगितले.

जंगल किंवा सरकारी भूमी येथे अवैध वृक्षतोड झाल्यास संबंधित परिक्षेत्र अधिकारी आणि कर्मचारी यांना उत्तरदायी धरले जाईल, अशी चेतावणीही वनमंत्री खांड्रे यांनी दिला.