सनातन प्रभात > Post Type > बातम्या > राष्ट्रीय बातम्या > Kashmir Terror : काश्मीर खोर्‍यात आतंकवादी ‘मुस्लिम जांबाज फोर्स’ संघटना पुन्हा सक्रीय

Kashmir Terror : काश्मीर खोर्‍यात आतंकवादी ‘मुस्लिम जांबाज फोर्स’ संघटना पुन्हा सक्रीय

श्रीनगर (जम्मू-काश्मीर) – काश्मीरमध्ये आतंकवादी कारवाया चालू असल्याने तेथून निर्वासित झालेले हिंदू अजूनही तेथे परतलेले नाहीत, तसेच तेथे शिल्लक राहिलेल्या हिंदूंना अजूनही धमक्या मिळत आहेत. पहलगामजवळ मट्टन येथे काश्मिरी हिंदूंची वस्ती आहे. हिंदूंची लोकसंख्या सुमारे ३०० आहे. येथे हिंदूंना धमक्यांचे दूरभाष येत असल्याने दुपारी ४ नंतर कुणीही घरातून बाहेर पडत नाहीत.

हिंदूंना ठार मारण्याची धमकी लष्कर-ए-तोयबाची शाखा असणार्‍या ‘द रेजिस्टेंस फोर्स’ या संघटनेने दिली आहे. तसेच १९९०च्या दशकात आतंकवादी कारवाया करणार्‍या ‘मुस्लिम जांबाज फोर्स’नेही भित्तीपत्रके लावून काश्मीरच्या स्वातंत्र्यापर्यंत युद्ध चालूच ठेवण्याची धमकी दिली आहे. १० नोव्हेंबर २०२५ या दिवशी देहलीत झालेल्या स्फोटानंतर सक्रीय झालेली ही संघटना काश्मिरी तरुणांचा बुद्धीभेद करत आहे.

संपादकीय भूमिका

काश्मीरमधून आतंकवाद नष्ट होण्याऐवजी आतंकवादी संघटना पुन्हा सक्रीय होणे, हे लज्जास्पद !

नूतन लेख