सनातन प्रभात > Post Type > बातम्या > आंतरराष्ट्रीय बातम्या > Putin On Greenland : ग्रीनलँडचे काय होते, याच्याशी रशियाला देणेघेणे नाही ! – पुतिन

Putin On Greenland : ग्रीनलँडचे काय होते, याच्याशी रशियाला देणेघेणे नाही ! – पुतिन

मॉस्को (रशिया) – ग्रीनलँडचे सूत्र अमेरिका आणि तिचे ‘नाटो’मधील (२९ देशांच्या सैनिकी संघटनेमधील) मित्रराष्ट्र आपापसांत सोडवतील. ग्रीनलँडचे काय होते, याच्याशी आमचे काहीही देणेघेणे नाही, असे विधान रशियाचे राष्ट्राध्यक्ष व्लादिमिर पुतिन यांनी केले आहे. तसेच पुतिन यांनी ग्रीनलँडमधील रहिवाशांबद्दल सहानुभूतीही व्यक्त केली आहे. ट्रम्प ग्रीनलँडला नियंत्रणात घेण्याच्या प्रयत्नात असल्यावरून पुतिन यांनी रशियाची भूमिका स्पष्ट केली.

डेन्मार्कने ग्रीनलँडला नेहमीच स्वतःच्या वसाहतीप्रमाणे वागवले !

पुतिन म्हणाले की, तसे पहाता, डेन्मार्कने ग्रीनलँडला नेहमीच स्वतःच्या वसाहतीप्रमाणे वागवले आहे आणि त्यासंदर्भातची वागणूक क्रूर नसली तरी बर्‍यापैकी कठोर राहिली आहे; पण ते पूर्णपणे वेगळे सूत्र आहे आणि सध्या त्यामध्ये कुणाला रस असेल, असे मला वाटत नाही. त्याची आम्हाला नक्कीच चिंता वाटत नाही. मला वाटते की, ते आपापसांत हा प्रश्न सोडवतील.

पुतिन यांनी या वेळी डेन्मार्कने वर्ष १९१७ मध्ये ‘व्हर्जिन आयलंड्स’ अमेरिकेला विकल्याची, तसेच वर्ष १८६७ मध्ये रशियाने अमेरिकेला अलास्का विकल्याची आठवणही पुतिन यांनी करून दिली.

नूतन लेख