‘रशियाच्या सैन्याच्या हातात आपली (युक्रेनची) राजधानी पडायला नको. त्यामुळे सर्व नागरिकांनी हातात शस्त्र घेऊन या लढाईमध्ये सहभागी व्हावे’, असे आवाहन झेलेंस्की यांनी केले. सध्या तरी रशियाचे आक्रमण थोपवण्यास युक्रेनच्या सैन्याला यश मिळाले आहे.

युक्रेनचे राष्ट्राध्यक्ष व्लोदिमिर झेलेंस्की स्वत: सैनिकी पोषाखामध्ये सैन्याच्या समवेत आहेत. युक्रेनचे सैन्य लढत आहे आणि त्याचे नेतृत्वही लढण्यासाठी सिद्ध आहे. यामुळे रशियाला युक्रेनला पूर्ण कह्यात घ्यायचे असेल, तर त्याला वेळ लागू शकतो.