जिल्हा मध्यवर्ती कारागृहात हत्येच्या प्रकरणात संशयित म्हणून अटक करण्यात आलेला आरोपी सुनील ज्ञानेश्वर राठोड हा ३१ जुलै या दिवशी सकाळी ७ वाजता वैरण अड्डा येथील भिंतीवरून उडी मारून पसार झाला आहे.

राज्यात सत्तापालट होऊन भाजपप्रणीत सरकार स्थापन होताच मुंबई जिल्हा मध्यवर्ती सहकारी बँकेचे (‘मुंबै बँके’चे) अध्यक्ष सिद्धार्थ कांबळे आणि उपाध्यक्ष विठ्ठल भोसले यांनी अचानक पदांची त्यागपत्रे दिली आहेत. या पदांसाठी ५ ऑगस्ट या दिवशी होणार्‍या संचालक मंडळाच्या बैठकीत निवड होणार आहे.

वर्ष १९७१ च्या भारत-पाकिस्तान युद्धात महत्त्वपूर्ण कामगिरी केलेला रणगाडा सांगलीत आणण्यात आला आहे. रंगरंगोटी करून तो प्रतापसिंह उद्यानात बसवला जाणार आहे. उद्यानात शिवसृष्टीही साकारली जाईल.

आम्ही अतीवृष्टीचा आढावा घेतला आहे. पावसामुळे मृत्यू झालेल्यांना साहाय्य करण्याविषयी आढावा घेतला. शेतपिकांची हानी झालेल्यांना हानीभरपाई देऊ. नवीन शिवसेना-भाजप युतीचे सरकार शेतकर्‍यांना वार्‍यावर सोडणार नाही. शेतकर्‍यांना दिलासा देणारा निर्णय घेऊ.

बदलापूर ते ठाणे या मार्गातील रेल्वे स्थानकांवर गर्दीच्या वेळेत प्रवाशांच्या जवळील भ्रमणभाष सराईतपणे चोरणारा अनिलकुमार वर्मा याला पोलिसांनी अटक केली. त्याच्याकडून पोलिसांनी १ लाख ८० सहस्र रुपयांचे १६ भ्रमणभाष जप्त केले आहेत.

पैसे भरण्याविषयी तरुणाला पे.टी.एम्. आणि आयसीआयसीआय बँकेच्या ॲपद्वारे प्रक्रिया करण्यास सांगितले होते. उंड्री येथील या तरुणाने कोंढवा पोलीस ठाण्यात अज्ञाताविरोधात तक्रार प्रविष्ट केली आहे. साहाय्यक पोलीस निरीक्षक पुढील अन्वेषण करत आहेत.

शिवसेनेचे खासदार संजय राऊत यांच्यावर स्वप्ना पाटकर यांना धमकी दिल्याप्रकरणी गुन्हा नोंदवण्यात येणार आहे, असे भाजपचे माजी खासदार किरीट सोमय्या यांनी सांगितले. या प्रकरणी सोमय्या यांनी ३१ जुलै या दिवशी वाकोला पोलिसांची भेट घेतली होती. त्यानंतर ते पत्रकारांशी बोलत होते.