Asaduddin Owaisi Akola : व्यासपिठाजवळ जमावाची चेंगराचेंगरी; पोलिसांकडून लाठीमार !

अकोला – ए.आय.एम्.आय.एम्.चे (‘ऑल इंडिया मजलिस-ए-इत्तेहादुल मुसलमीन’चे) नेते आणि खासदार असदुद्दीन ओवैसी यांच्या येथील सभेत त्यांच्या आवाहनाला प्रतिसाद देत सभेनंतर जमावाने व्यासपिठाजवळ गर्दी केली. त्यामुळे पोलिसांना त्यावर नियंत्रण मिळवणे कठीण झाले. परिणामी पोलिसांना लाठीमार करावा लागला. या वेळी चेंगराचेंगरी झाली. ओवैसी मात्र चारचाकी वाहनातून सभास्थळावरून सुरक्षितरित्या बाहेर पडले. (भेटायचे नव्हते, तर आवाहन कशाला केले ? या प्रकरणी खासदार ओवैसी यांच्यावर कारवाई होईल का ? – संपादक) महानगरपालिका निवडणुकीच्या पार्श्वभूमीवर ही सभा घेण्यात आली होती.