(म्हणे) ‘तुम्ही आयुष्यात काहीतरी गमावत आहात !’ – Siddaramaiah To Journalist

मांसाहार न करणार्‍या महिला पत्रकाराला कर्नाटकाचे मुख्यमंत्री सिद्धरामय्या म्हणाले

बेंगळुरू (कर्नाटक) – मांसाहार न करणार्‍या एका महिला पत्रकाराला कर्नाटकाचे मुख्यमंत्री सिद्धरामय्या यांनी ‘तुम्ही आयुष्यात काहीतरी गमावत आहात’, असे म्हटल्याचे समोर आले आहे.

सिद्धरामय्या हे उपमुख्यमंत्री डी.के. शिवकुमार यांच्या निवसास्थानी न्याहारीसाठी नुकतेच गेले होते. नाश्ता केल्यानंतर या दोघांनी पत्रकारांशी संवाद साधला. या वेळी मुख्यमंत्री सिद्धरामय्या यांनी एका महिला पत्रकाराला ‘तुम्हाला चिकन आवडते का?’, असे विचारले. यावर महिला पत्रकाराने ‘मी शुद्ध शाकाहारी आहे’, असे उत्तर दिले. यावर सिद्धरामय्या यांनी पुन्हा त्यांना विचारले ‘शुद्ध म्हणजे काय? तुम्ही अंडी खाता का?’, यावर महिला पत्रकाराने ‘नाही’ म्हटले. तेव्हा मुख्यमंत्री सिद्धरामय्या यांनी ‘तुम्ही आयुष्यात काहीतरी गमावत आहात’, असे विधान केले. उपमुख्यमंत्री डी.के. शिवकुमार यांच्या पत्नी उषा यांनी मुख्यमंत्र्यांसाठी पारंपरिक नाटी कोळी (देशी चिकन) बनवले होते. त्यावरून हा प्रसंग घडला.