पू. (सौ.) शैलजा सदाशिव परांजपेआजी (वय ७६ वर्षे) यांनी केलेल्या पंचतत्त्वांच्या प्रयोगाच्या वेळी साधिकेला आलेल्या अनुभूती        

सनातन संस्थेच्या ९० व्या (व्यष्टी) संत पू. (सौ.) शैलजा सदाशिव परांजपेआजी (वय ७६ वर्षे) यांनी रामनाथी येथील सनातनच्या आश्रमात पंचतत्त्वांचे काही सूक्ष्माशी संबंधित प्रयोग केले. तेव्हा साधिकेला आलेल्या अनुभूती येथे दिल्या आहेत.

१.‘पू. (सौ.) शैलेजा परांजपेआजी त्यांचे एक एक बोट भांड्यातील पाण्यात घालत होत्या. तेव्हा पाण्याचा रंग पालटत होता. पाण्याचा रंग थोडा गुलाबी झाल्यासारखा दिसला.

२. पू. (सौ.) आजी विजेच्या पंख्यावर प्रयोग करतांना ‘पंख्याची गती न्यून न्यून होत होती’, असे मला जाणवले.

३. पू. (सौ.) परांजपे आजींच्या तळहातावर विजेरीने प्रकाश सोडल्यानंतर तळहात तेल लावल्याप्रमाणे चकाकत होता.

४. विजेरीचा प्रकाश पू. आजींच्या हातावरून ‘थर्माकॉलशीट’वर अधिक प्रमाणात प्रक्षेपित झाला.

५. मागे काळा पडदा लावलेला असतांना त्यासमोर पू. आजींनी त्यांचा हात धरला. तेव्हा त्यांच्या बोटांतून धूर निघतांना दिसला.

६. पू. आजींनी आश्रमाच्या समोरील टेकडीच्या दिशेने हात दाखवला असता ‘टेकडीच्या मागून कुणीतरी विजेरी दाखवत आहे’, असे दिसले आणि आकाशाकडे हात दाखवला असता आकाशात पांढरा उजेड दिसला.

– सौ. श्वेता शिवाजी सालेकर, खेड, रत्नागिरी.