मुंबईतून पाँडिचेरीत आलेल्या अल्पवयीन मुलीवर ७ जणांकडून बलात्कार

आईशी भांडून घरातून निघून गेली होती मुलगी !

मुंबई – नातेवाईकांसमवेत दिवाळी साजरी करण्यासाठी मुंबई येथून पाँडिचेरी येथे आलेल्या १६ वर्षांच्या मुलीचे तिच्या आईसमवेत भांडण झाले. संतप्त झाल्याने रात्री ९ वाजता ती घरातून निघून गेली. यानंतर काजा मोहिद्दीन या रिक्शाचालकाने तिच्यावर बलात्कार केला. नंतर तिला चेन्नईला नेऊन २ दिवस डांबून ठेवण्यात आले. तेथे ६ पर्यटकांनी तिच्यावर अनन्वित शारीरिक अत्याचार केले. पोलिसांनी या प्रकरणी रिक्शाचालक काजा मोहिद्दीनला अटक केली असून ३ पर्यटकांनाही पकडले आहे. उर्वरित तिघांचा शोध चालू आहे.

काजा मोहिद्दीनने मुलीला दारू पाजली आणि तिच्यावर शारीरिक अत्याचार केला. तेथील समुद्रकिनार्‍यावर फिरतांना काही पर्यटकांनी गैरफायदा घेऊन तिला एका खोलीवर नेले. दारू पाजून आळीपाळीने तिच्यावर लैंगिक अत्याचार केला. मुलीच्या पालकांनी ती हरवल्याची तक्रार प्रविष्ट केली. त्यानंतर पोलिसांनी मुलीचा शोध घेतला. तेव्हा ती अतिशय अशक्त आणि कृश झाली होती. काहीच बोलण्याच्या मनस्थितीत नव्हती. तिला रुग्णालयात भरती केले. बरे वाटल्यावर तिने सर्व घटना सांगितल्यावर अत्याचाराचा उलगडा झाला.