सनातन प्रभात > Post Type > बातम्या > राष्ट्रीय बातम्या > Delhi Gang Rape : देहलीत महिलेवर सामूहिक बलात्कार !

Delhi Gang Rape : देहलीत महिलेवर सामूहिक बलात्कार !

  • पीडित महिला घटनेनंतर घायाळ अवस्थेत अर्धनग्न स्थितीत २ किलोमीटर चालत गेली !

  • पीडित महिलेवर करावे लागले शस्त्रकर्म !

  • ३ जणांना अटक
अटक करण्यात आलेले आरोपी

नवी देहली – देहली पोलिसांच्या जुन्या मुख्यालयापासून काही मीटर अंतरावर महिला आणि गरीब यांच्यासाठी काम करणार्‍या ३४ वर्षीय महिलेवर ३ जणांनी सामूहिक बलात्कार केला. त्यानंतर एका रिक्शाचालकानेही तिला राजघाटजवळील गांधी स्मृती सर्व्हिस रोडवर नेऊन रिक्शामध्येच तिच्यावर बलात्कार केला. वारंवार बलात्कार झाल्याने महिलेचे मानसिक संतुलन बिघडले. ती अर्धनग्न अवस्थेत राजघाट येथून चालत सराय कालेखन येथे पोचली. महिलेच्या गुप्तांगांतून रक्त वाहात होते. या मार्गावरून जाणार्‍या सहस्रो वाहनांपैकी कुणीही तिला साहाय्य केले नाही. ही घटना ११ ऑक्टोबरच्या रात्री ९.३० च्या सुमारास घडली. आता ती समोर आली आहे.

येथे महिलेला पाहून नौदलाच्या अधिकार्‍याने पोलिसांना माहिती दिली. पोलीस अधिकार्‍यांनी सांगितले की, आम्हाला ही माहिती मिळाली नसती, तर महिलेचा मृत्यू झाला असता. एम्समध्ये महिलेवर शस्त्रकर्म करण्यात आले. तीव्र धक्क्यामुळे तिला सध्या एम्सच्या मानसोपचार विभागात भरती करण्यात आले आहे. पोलिसांनी सुमारे २१ दिवसांच्या अथक परिश्रमानंतर रिक्शाचालक प्रभु, भंगार दुकानातील कामगार प्रमोद आणि शमशुल लगडा या ३ आरोपींना अटक केली आहे. आरोपींना अटक केल्यानंतर पीडित महिलेवर झालेला अत्याचार समोर आला.

संपादकीय भूमिका

अशा बलात्कार्‍यांना भर चौकात फाशीची शिक्षा देण्यासाठी सरकारने प्रयत्न केले पाहिजेत ! अशा शिक्षा होऊ लागल्यानंतरच देशातील बलात्कारांच्या घटनांत घट होईल !

नूतन लेख