धावमार्गाची त्रयस्थ संस्थेकडून पडताळणी करणार !
पिंपरी (पुणे) – भोसरीतील इंद्रायणीनगर येथील ‘संत ज्ञानेश्वर महाराज क्रीडा संकुला’तील नव्याने सिद्ध केलेला ‘कृत्रिम धावमार्ग’ (सिंथेटिक ट्रॅक) पुन्हा उखडला आहे. याच धावमार्गावर पोलीस भरती प्रक्रियेची शारीरिक चाचणी झाली होती. धावमार्ग खराब झाल्याने ४ कोटी रुपये वाया गेले का ? असा प्रश्न निर्माण होत आहे. (याविषयी महापालिका प्रशासनाने स्पष्टीकरण देणे आवश्यक आहे ! – संपादक)
इंद्रायणीनगरमध्ये ‘संत ज्ञानेश्वर महाराज क्रीडा संकुल’ एकमेव क्रीडा संकुल आहे. तेथील धावमार्ग खराब झाल्याने महापालिकेने ४ कोटी रुपये व्यय करून नवीन धावमार्ग १५ मार्च २०२४ या दिवशी एका वर्षासाठी खुला केला होता. या धावमार्गावर खेळाडू सराव करत असतांना केवळ ५ दिवसांमध्ये हा मार्ग उखडला होता. त्यामुळे पुन्हा दुरुस्तीसाठी हा धावमार्ग बंद करण्यात आला होता. त्याच धावमार्गावर पोलीस भरतीची प्रक्रिया केल्याने तो धावमार्ग अधिक खराब झाल्याचे निदर्शनास येत आहे. ‘धावमार्गाची त्रयस्थ संस्थेकडून पडताळणी करणार, पडताळणीमध्ये त्रुटी, कामाचा निकृष्ट दर्जा आढळल्यास संबंधित ठेकेदारांकडून पैसे वसूल केले जातील’, असे महापालिकेचे आयुक्त शेखर सिंह यांनी सांगितले.
मिरज येथे गणेशोत्सवात जगद्गुरु संत तुकाराम महाराज, संत बाळूमामा यांच्याविषयी उत्कृष्ट आध्यात्मिक देखावे !
दिवसभरातील घडामोडींवर एक दृष्टीक्षेप : सांगवी (पिंपरी) येथे कोयत्याने तिघांवर वार ! ,पुणे येथे चिमुकल्यावर कुत्र्यांचे आक्रमण !..
सातारा येथे विसर्जन मिरवणुकीत प्लाझमा, बीम आणि लेझर लाईट यांना प्रतिबंध !
हिंदूंच्या धार्मिक भावना दुखावणार्या ज्ञानेश महाराव यांच्या विरोधात गुन्हा नोंद करा !
मुंबईत दूध भेसळ करणार्यांवर कारवाई
छत्रपती संभाजीनगर येथे सव्वा ३ लाख ग्राहकांची वीज कायमस्वरूपी तोडली !